СЗО: Почнаа разговорите со Москва за проверка на руската вакцина

Фото: EPA

Клуге истакна дека Русија има долга историја на развој и употреба на вакцини, вклучително и против жолта треска и детска парализа.

Светската здравствена организација (СЗО) за Европа соопшти дека започнала разговори со Русија во обид да добие повеќе информации за експерименталната вакцина против Ковид-19, која Москва неодамна ја одобри.

Минатата недела Русија беше прва на светот што ја лиценцираше вакцината против коронавирусот. Меѓутоа, големо кршење на научниот протокол е дека вакцината не го минала на потребното проширено клиничко испитување пред давањето лиценца, кое е потребно за да се докаже делотворноста.

Руските власти тврдат дека вакцината ќе обезбеди траен имунитет на Ковид-19, но за тоа не понудија докази.

Кетрин Смолвуд, висока функционерка во СЗО  задолжена за вонредни состојби , рече дека СЗО започнале „директни разговори” со Русија и дека официјалните претставници на Организацијата ја известиле Москва за „серија чекори и информации потребни за СЗО за проценка” на вакцината.

Директорот на СЗО за Европа, Ханс Клуге изјави дека СЗО го поздрави напредокот во развојот на сите вакцини, но дека секоја мора да достави клиничко испитување.

Клуге истакна дека Русија има долга историја на развој и употреба на вакцини, вклучително и против жолта треска и детска парализа.

– Загриженоста за безбедноста и ефикасноста на вакцините не се однесува само на Русија, туку за сите кои се во развој, рече Смолвуд.

Таа потврди дека СЗО се обидува да го забрза развојот на вакцините против коронавирусот, но рече дека сепак од „суштинско значење е да не се оди по покусиот пат кога станува збор за безбедност или ефикасноста”.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот