СЗО: Намалена смртноста од ковид
Според податоците на Светската здравствена организација минатата недела смртноста во светот од Ковид-19 е намалена за дваесет отсто, споредено со претходната недела.
Намалено ширење на инфекцијата е забелжан во земјите од северна и јужна Америка деветнаесет проценти, западниот Пацифик девет отсто и во Европа седум проценти. Намалување на смртноста има во Африка дваесет отсто и во југоисточна Азија шест проценти.
Во јужна и северна Америка има околу 1,06 милиони новозаразени и над 34 илјади починати, а во Европа над 939 илјади нови случаи на инфекција со коронавирусот и повеќе од 24 илјади починати.
Бројот на новозаразени се зголеми во текот на изминатата недела во САД и изнесува над 480 илјади, а на второ место е Бразил со повеќе од 316 илјади нови случаи.
Во Франција минатта недела имало околу 131 илјада новозаразени, во Русија над 92 илјади, во Индија повеќе од 86 илјади, Велика Британија над 78 илјади, Шведска околу 65 илјади и во Иран речиси 55 илјади инфицирани луѓе.