Европа во моментов се наоѓа во центарот на пандемијата Ковид – 19, а бројот на заболени се приближува кон милион, соопшти денеска регионалниот директор на Светската здравствена организација, Ханс Клуге.

– Бројот на случаи во регионот продолжува да расте. Во претходните десет дена, бројот на новозаразени регистрирани случаи во Европа речиси се удвои и се приближува кон еден милион заразени, истакнал Клуге на онлајн конференција за новинари.

Тој додал дека тоа значи дека околу 50 отсто од глобалниот товар предизвикан од Ковид – 19 е га „грбот“ на Европа.

Клуге изјавил и дека на стариот континент од ова заболување починале 84 илјади лица.

– Бурата предизвикана од оваа пандемија и понатаму се шири над европскиот регион, истакнал претставникот на СЗО.

Тој додава дека некои од земјите се обидуваат полека да ги ублажуваат мерките, но дека сепак опоравувањето нема брзо да оди и нема лесно да се вратиме на нормално функционирање.