Дедо мраз ја прими вакцината против коронавирусот и ќе биде во можност да ги дели поклоните за децата на ноќта меѓу 24 и 25 декември, соопшти денеска епидемиологот на Светската здравствена организација, Марија ван Кирков.

„Ја разбирам загриженоста за Дедо мраз, бидејќи е стар и потенцијално во групата која е посебно изложена на опасноста од коронавирусот“, рекла Кирков.

My favorite question at the @WHO Covid-19 presser today, from @gsotomayorgva: Children are worried that Santa Klaus may not make it to their houses this Christmas, because he's old and overweight. They're concerned about whether he'll be able to leave his house and travel.

— Carmen Paun (@carmenpaun) December 14, 2020

„Можам да ви кажам дека Дедо мраз ја прими вакцината против вирусот. Тој е одлично, како и неговата госпоѓа, и моментално се многу зафатени“, додала таа.

Кирков рекла и дека децата не треба да се плашат од епидемиолошките мерки и ограничено движење.

„Дедо мраз ќе може да влегува и излегува низ воздушниот простор кога и да посака и така ќе може да дели подароци“, рекла таа но додала дека децата низ целиот свет треба да разберат дека Дедо мраз строго ќе ги почитува мерките за држање на физичка дистанца.

Santa Klaus is immune to this virus, says @mvankerkhove in response. "We had a brief chat with him and he is doing very well." Leaders have relaxed quarantine measures for Santa to enter their airspace, she says, so he'll be able to travel.

— Carmen Paun (@carmenpaun) December 14, 2020

Според нејзините зборови, децата на Бадник треба рано да си легнат, а Дедо мраз ќе патува низ целиот свет за да ги подели подароците.

Извор: Бета.рс