СЗО: Целиот извештај со резултати од истрагата за потеклото на коронавирусот во Кина ќе биде презентиран следната недела

epa09000807 Members of the World Health Organization (WHO) team tasked with investigating the origins of the coronavirus disease (COVID-19) in Wuhan, leave the Hilton hotel headed to the airport in Wuhan, China, 10 February 2021. The international expert team from the World Health Organization (WHO) investigated the origin of COVID-19 during the previous weeks, and is set to leave China today. EPA-EFE/ALEX PLAVEVSKI

Светската здравствена организација (СЗО) се откажа од плановите за објавување на првичните резултати од истрагата за потеклото на коронавирусот во Кина и најави дека целосниот извештај ќе го објави кон средината на март.

-Наместо прелиминарниот извештај, целиот извештај ќе биде презентиран следната недела, на 14 март, изјави денесак во Женева лидерот на експертскиот тим, Питер Бен Ембарек.

Ембарек ја предводеше групата од десетина  научници, избрани од Светската здравствена организација (СЗО), да ги посетат болниците и истражувачките институти во Вухан, во централна Кина, каде што за првпат беше идентификуван новиот коронавирус, за да го откријат потеклото на ковид-19.

СЗО денес не ги наведе причините за промена на планот за објавување на резултатите.

Мисијата на експерти на СЗО во Кина беше изведена по повеќемесечните преговори со кинеските власти, кои сакаа да спречат да бидат обвинети за пандемијата.

Резултатите презентирани на првата прес-конференција по патувањето во Кина беа нејасни. Ембарек, се чини, ја отфрли можноста вирусот да „побегнал” од лабораторија во Вухан, туку ја изнесе тезата дека вирусот бил пренесен врз луѓето од лилјаци преку посредник, како што претходно се претпоставуваше.

Мисијата беше на удар на критичарите, а СЗО беше бомбардиран со обвинувања дека многу се потпира на премногу политички компромитирани кинески податоци и теренска работа.

Самите членови на тимот изјавија дека Кина не сакала да ги споделува клучни податоци со нив, затоа што можело да сугерираат дека болеста се ширела со месеци пред да биде препознаена.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот