-9 C
Скопје

СВР Тетово: Граѓаните да ги проверат оџаците и електричните инсталации пред почетокот на грејната сезона

Со најавите за настапување на ниски температури и интензивирањето на грејната сезона во домовите, трговските дуќани, јавните објекти во Полог, од СВР Тетово предупредуваат на ризиците од пожари. Во вакви околности, како што наведуваат, до нив доаѓа поради човечко невнимание, стари и дотраени електрични инсталации, неисправни печки и навреме неисчистени оџаци во куќи или станбени згради.

– Апелираме до граѓаните за максимална внимателност. Да не ги оставаат вклучени грејните тела (греалки, клима уреди) или печки на дрва – кога подолго време не се присутни во домовите или работните простории. Доволна е само мала искра за да пламне пожар со сериозни материјални и други последици – вели Марјан Јосифоски портпарол на СВР Тетово.

Прочитајте и...  Собранието нема кворум- еден позитивен пратеник, друг чека резултати од тест, опозицијата не доаѓа

Апелот посебно се однесува до жителите во станбените згради, каде потешко се локализираат пожарите поради недостигот на потребната опрема и отежнатиот пристап до објектите.

Од СВР Тетово на сопствениците на куќи и на станарите во зградите им се советува најмалку два пати годишно да ги проверат и исчистат оџаците и да не ги преоптоваруваат инсталациите со вклучување на повеќе електрични апарати оддеднаш.

Предизвикувањето на општа опасност (пожар) претставува кривично дело (член 288 од Кривичниот законик) за кое е предвидена затворска казна од една до пет години, а доколку тоа е направено од небрежност, казната е до три години.

Поврзани вести

Лавина во Русија: Властите стравуваат дека се затрупани 12 лица

Слободен печат

Почина хрватскиот амбасадор во Франција

Слободен печат

„Децата останаа сираци, без мајка, баба и дедо“: Погребани жртвите и убиецот од трагичниот настан во селото Расно

Слободен печат

Истражување: Јужноафриканската варијанта на коронавирус полесно се пренесува

Слободен печат

Портпаролот на Џонсон: Навални веднаш да биде ослободен

Слободен печат

Царовска: Нудиме реформа која се фокусира на знаењата на децата, интеграцијата не значи намалување на часовите

Слободен печат

Остави Коментар