Светските рекорди паѓаат како на филмска лента на СП во пливање
Пливачите кои се натпреваруваат на СП во пливањево Јужна Кореја, денеска беа расположени за соборување на светски рекорди.
Првиот светски рекорд го постави Американецот Кејлеб Дресел на трката на 100 метри делфин. Откако во првото полуфинале, доминираше Унгарецот Кристоф Милак со време од 50.95 секунди, на втората полуфиналната трка, Дресел делницата ја исплива за 49.50 секунди, што беше за 32 стотинки побрзо од досегашниот светски рекорд кој го држеше легендарниот Мајкл Фелпс.
A trend at this year’s World’s is to break or equal ? WORLD RECORDS in semi-finals and USA’s Caeleb Dressel is obviously a trend-follower, shattering the 100m Fly record in dramatic style in a time of 49.50! #FINAGwangju2019 #Swimming pic.twitter.com/75maQpIWJc
— FINA (@fina1908) July 26, 2019
Каде што застана Дресел, продолжи младата 17-годишна Реган Смит од САД која на полуфиналната трка на 200 метри грбно постави нов светски рекорд. Најдоброто време на 200 метри грбно сега изнесува 2:03.35 минути, што е за 71 стотинка подобро од седум години стариот рекорд на Миси Френклин.
What a fantastic day Team USA are enjoying and the exhibition continued with another ? WORLD RECORD in the semi-finals of the Women’s 200m Backstroke semi-finals, courtesy of 17-year old Regan Smith. ? https://t.co/bEozhdW5qV #FINAGwangju2019 #Swimming pic.twitter.com/4WCuadQiXU
— FINA (@fina1908) July 26, 2019
Последниот светски рекорд го собори рускиот пливач, Антон Чупков на 200 метри градно. Чупков во директен дуел во финалето го победи сега веќе поранешниот рекордер, Метју Вилсон од Австралија и му го презеде најдоброто време во историјата на 200 метри градно кое сега изнесува 2:06.12 минути.
The race of the evening! ?? Anton Chupkov clawing his way back into contention down the final thirty of the Men’s 200m Breaststroke to defend his title in a new ? WORLD RECORD time of 2:06.12! ??? ? https://t.co/bEozhdW5qV #FINAGwangju2019 #Swimming pic.twitter.com/F4VLPFEFQH
— FINA (@fina1908) July 26, 2019
Американката Симоне Мануел го освои златниот медал на 100 метри слободно, а 27-годишната Јулија Ефимова од Русија ја одбрани титулата на 200 метри градно. Уште едно злато за Русија донесе Евгениј Рилов кој триумфира на трката на 200 метри грбно.
Во последната трка на шестиот ден од СП во Гвангжу, на штафетата 4х200 метри слободно, златниот медал го освоија пливачите од Австралија, Луис, Челмерс, Грем и Хортон кои во финишот ја победија Русија, додека пливачите на САД го освоија бронзениот медал.
