Светските лидери им честитаа на Бајден и Харис
По денешната инаугурација во Вашингтон, политички и верски лидери од целиот свет и странски политичари испратија честитки до 46-от претседател на САД, Џо Бајден и потпретседателката Камала Харис.
– Соединетите Американски Држави се враќаат. Европа е подготвена да ги обнови врските со својот стар, доверлив партнер и да внесе нов живот во нашиот скапоцен сојуз. Со нетрпение очекувам да соработувам со претседателот Бајден, напиша на Твитер претседателката на Европската комисија, Урсула фон дер Лајен.
Congratulations @JoeBiden on being sworn in as President of the United States and @KamalaHarris – the first woman Vice-President of the US!
Thank you for the inspiring inaugural address and for the offer to cooperate.
Europe is ready for a fresh start.#InaugurationDay pic.twitter.com/Re7vaoUlHS
— Ursula von der Leyen (@vonderleyen) January 20, 2021
Британскиот премиер Борис Џонсон му честиташе на претседателот Бајден и изрази надеж дека ќе работат заедно на зајакнување на меѓусебната соработка.
Congratulations to @JoeBiden on being sworn in as President of the United States and to @KamalaHarris on her historic inauguration. America’s leadership is vital on the issues that matter to us all, from climate change to COVID, and I look forward to working with President Biden.
— Boris Johnson (@BorisJohnson) January 20, 2021
Германскиот претседател Валтер Штајнмаер оцени дека денеска е добар ден за демократијата и дека по постизборните обиди за поделба на американскиот институционален систем, нему и на многу германски граѓани им олесни.
Канадскиот премиер Џастин Трудо изјави дека Канада и САД ќе продолжат со партнерството во борбата против пандемијата на коронавирусот, во областа на економското закрепнување и унапредување на демократијата, мирот и безбедноста ширум светот.
Congratulations, @JoeBiden, on your inauguration as the 46th President of the United States. Our two countries have tackled some of history’s greatest challenges together – and I’m looking forward to continuing this partnership with you, @KamalaHarris, and your administration.
— Justin Trudeau (@JustinTrudeau) January 20, 2021
Израелскиот премиер Бенјамин Нетанјаху денешната инаугурација ја нарече „историска” и потсети на неговото долгогодишно лично пријателство со претседателот Бајден.
– Очекувам понатамошно зајакнување на американско-израелското пријателство и мирот меѓу Израел и арапските земји”, порача Нетанјаху во честитката.
Congratulations President @JoeBiden and Vice President @KamalaHarris on your historic inauguration.
President Biden, you and I have had a warm personal friendship going back many decades. pic.twitter.com/3cO4Zb1o1Q
— Benjamin Netanyahu (@netanyahu) January 20, 2021
Честитка за Бајден пристигна и од палестинското движење Хамас, во која се вели дека Палестинците не жалат за заминувањето на претседателот Доналд Трамп.
– Претседателот Бајден мора да го сврти курсот на неправедната и погрешна политика на Трамп против Палестинците и да воспостави основи за стабилност и безбедност во регионот, се вели во пораката на Хамас.
Премиерот на Јапонија, Јошихиде Суга исто така им честиташе на претседателот Бајден и потпретседателката Харис.
– Јапонија и САД се цврсто поврзани сојузници кои споделуваат универзални вредности”, напиша премиерот Суга на својот профил на Твитер.
Congratulations to President @JoeBiden and Vice President @KamalaHarris on your inauguration. Japan and the United States are allies tied firmly by bonds and shared universal values.
— 菅 義偉 (@sugawitter) January 20, 2021
Чилеанскиот претседател Себастијан Пинера им порача на Бајден и Харис дека посветеноста кон демократијата, слободата и човековите права не познава граници.
Today @JoeBiden takes office as the 46th U.S. President. His Administration will have the mission of healing the soul of the country and strengthening civic friendship.
The commitment to democracy, freedom and human rights recognizes no borders.
I wish President Biden the best.— Sebastian Piñera (@sebastianpinera) January 20, 2021
Колумбискиот претседател Алваро Урибе рече дека Америка е пример за демократија и значаен сојузник, а мексиканскиот претседател Мануел Лопез Обрадор, покрај најдобрите желби до претседателот Бајден, рече дека пандемијата, економското закрепнување и миграциската политика ќе бидат клучни области на билатерална соработка, пренесува Си-Ен-Ен.
Todo lo mejor para los Estados Unidos en el Gobierno del Presidente Joe Biden.
Estados Unidos: Democracia ejemplar y aliado fundamental
— Álvaro Uribe Vélez (@AlvaroUribeVel) January 20, 2021
Пакистанскиот премиер Имран Кан изрази очекување дека ќе изгради посилно партнерство со САД во областа на економијата, во борбата против климатските промени и корупцијата, во зајакнувањето на јавното здравје и постигнувањето мир во светот.
I congratulate President @JoeBiden on his inauguration. Look forward to working with @POTUS in building a stronger Pak-US partnership through trade & economic engagement, countering climate change, improving public health, combating corruption & promoting peace in region & beyond
— Imran Khan (@ImranKhanPTI) January 20, 2021
Слична порака за поддршка испрати и премиерот на Индија, Нарендра Моди, кој се заложи Индија и САД заеднички и одлучно да се соочат со предизвиците и да ги зајакнат мирот и безбедноста во светот.
Веднаш по инаугурацијата, папата Франциск испрати порака до 46. претседател на САД со надеж дека Бајден ќе работи на создавање општество со вистинска правда, слобода и почитување на правата и достоинството на секој поединец, особено на најсиромашните, најранливите и на оние кои немаат право на глас.
Папата Франциск со честитки за Бајден: Се молам на Бога да ги насочиш своите напори за помирување