Светскиот шампион во скок со стап во аут поради ковид-19

Фото: EPA-EFE/Christine Olsson SWEDEN OUT

Двајца атлетичари во скок со стап го завршија настапот на Олимписките игри во Токио уште пред да почнат поради позитивни тестови на коронавирус, а неколку членови на австралискиот тим се во изолација.

Како што јавија светските медиуми, олимпиското натпреварување во скок со стап ќе биде посиромашно за двократниот светски првак Сем Кендрикс, како и за аргентинскиот натпреварувач Герман Чиаравиљо.

Неколку членови на австралискиот тим, кои биле во контакт со Кендрикс, се во изолација како мерка на претпазливост.

– Членовите на австралиската делегација се изолирани во своите соби по веста за позитивен наод на ковид-19 кај американскиот атлетичар – соопшти Австралискиот олимписки комитет.

Видео на денот