Строгите здравствени мерки спроведени од Кина го одложија ширењето на коронавирусот за два до три дена внатре во земјата, односно за две до три недели во странство, соопшти денеска Светската здравствена организација (СЗО).

-Стратешкиот и тактичен пристап што сега го презема Кина е вистинскиот- рече директорот за управување со вонредни состојби на СЗО , Мајк Рајан, на прес конференцијата, прашан за карантинот и здравствениот надзор во Кина.

Рајан го оцени третманот на јапонските власти со крстосувачот „ Diamond Princess “ на кој се шири вирусот додека бродот е изолиран при пристигнувањето на пристаништето во Јокохама.

„Несреќен развој на настаните се случи на тој брод“, рече Рајан.

Тој истакна дека бродовите и хотелите се познати како добра подлога за ширење на вирусот и заклучи дека би било важно да се научат лекциите од случајот.