Светот успешно закрепнува: Од почетокот на пандемијата се излечени повеќе од еден милион луѓе

Бројот на лица кои закрепнале од вирусот Ковид-19 низ светот премина еден милион и сега изнесува 1.001.008.

Тоа е речиси третина од вкупно заразените 3.220.847, додека третина од заболените се наоѓаат во САД – 1.064.572, покажале последните податоци објавени на сајтот „Worldometers“.

Дел од медицинскиот персонал во болницата Моунт Синаи на Менхетн, клиника која изминатиов период прими и излечи голем број пациенти / 24 април 2020, Менхент, Њујорк, САД / Фото: EPA-EFE/Peter Foley

Од вкупно заразените 228.239 лица починале, додека три отсто се наоѓаат во критична состојба.

После САД кои се најмногу погодени од коронавирусот, најмногу заболени има во Шпанија – 236.899, а најмногу починати во Италија – 27.682, а веднаш зад нив се Франција, Германија, Турција и Русија.

Луѓе на нивните балкони се приклучуваат на дневниот предизвик да се искаже благодарност за здравствени работници / 24 април 2020, Барселона, Шпанија / Фото: EPA-EFE/MARTA PEREZ

Кина во која се појави вирусот е на 10-то место по бројот на заболени, зад Иран и Русија, а од Јужна Америка најмногу погоден е Бразил каде расте бројот на починати и заболени.

Видео на денот