Сведоштва од Италија: Паниката е заразна и се шири побрзо од вирусот
„Паниката е заразна и се шири побрзо од болеста. Мислам дека за тоа допринесуваат и медиумте и социјалните мрежи“, вели студентка од Хрватска
Бројот на жртви од коронавирусот во Италија се зголеми на седум, а повеќе од 220 луѓе се заразени. Многу земји во Европа ги засилија контролите на своите граници.
Во Италија полиците на продавниците се празни, одекнуваат сирените на амбулантните возила бидејќи луѓето им се јавуваат со барање да им се земе примерок за тестирање на коронавирусот.
Stunned by Europe’s biggest surge of the #coronavirus, Italy appears to be operating in near panic mode.
Grocery store shelves in Milan are empty. More @business: https://t.co/zkk4kNjYI7 #Covid_19 #COVID19italia pic.twitter.com/qjPPs9KTa5
— QuickTake by Bloomberg (@QuickTake) February 24, 2020
Оваа ситуација предизвика паника меѓу жителите на Ломбардија, како и во универзитетското гратче Павиа, изјави студентка од Хрватска која се наоѓа во Италија.
Полиците на маркетите во Павиа, универзитетското гратче од некои 40.000 жители оддалечени од Милано 40-тина километри, се полупразни.
– Го земав последното пакетче тост, леб воопшто нема…Млеко има уште, жителите прво ги купиле тестенините и сосовите од домати – вели студентката Матеја Вировец од Хрватска за „Хина“, а пренесуваат хрватските медиуми.
Можеби причина за тоа е што од владата рекле дека се разгледува можноста за затворање на продавниците.
– Паниката е заразна и се шири побрзо од болеста. Мислам дека за тоа допринесуваат и медиумте и социјалните мрежи – вели таа.
Бројот на итна помош цело време е зафатен, бидејќи на жителите им е речено дека на него можат да добијат информации. Регистрирани се 5.000 повици на час, јавува пораталот за вести „TGCOM24“.
Поголемиот дел на интернационални студенти во Павиа за викендот веќе тргнаа кон своите домови, барем оние кои можеле да го направат тоа.
– Смета дека е поопасно е движењето во средствата за јавен превоз, возови, автобуси, авиони, аеродроми, отколку да останете затворени дома додека ситуацијата не се стабилицира – вели Вировец.