Петмина сведоци на Основното јавно обвинитество во случајот „Титаник“ го известиле јавниот обвинител дека поради новонастанатата состојба со коронавирусот денеска нема да дојдат да сведочат.

Кога го слушна ова објаснување, судечкиот судија Осман Шабани се изнервира и даде наредба за следното рочиште тие стражарно, со полициска придружба да бидат спроведени во судница.

Во „Титаник“, освен поранешниот премиер Никола Груевски кој е во бегство, обвинети се и Кирил Божиновски, Миле Јанакиески, Гордана Јанкулоска, Билјана Бришкоска Бошковски, Илија Димовски, Мунир Пепиќ, Едмонд Темелко, Кирил Тодоровски и други. Тие се осомничени за злосторничко здружување, повреда на избирачкото право, повреда на слободата на определување на избирачите, поткуп при избори и гласање, уништување изборен материјал и злоупотреба на средства за финансирање изборна кампања.