Сведочења на евакуираните Срби од Кина: Вухан навистина е град на духови, во Шангај ситуацијата не е толку драстична
Евакуираните Срби ја опишаа ситуацијата во Кина, поточно во Шангај и Вухан, откаде беа евакуирани. Душан Ѓилиќ, кој инаку живее во Шангај, рече пред јавноста дека бил во посета на Вухан и таму го затекнал почетокот на епидемијата.
Првиот потпретседател на Владата на Србија и министер за надворешни работи Ивица Дачиќ ги прими четворицата Срби кои првенствено беа евакуирани од епицентарот на епидемијата на коронавирусот Вухан, а потоа поминаа две недели во карантин во Франција.
Евакуираните Срби ја опишаа ситуацијата во Кина, поточно во Шангај и Вухан, откаде беа евакуирани. Душан Ѓилиќ, кој инаку живее во Шангај, рече пред јавноста дека бил во посета на Вухан и таму го затекнал почетокот на епидемијата.
– Ситуацијата беше морничава, тоа е град на духови. Во Шангај не е толку драстично, но движењето е многу ограничено – рече тој.
Стефан Војниќ, уште еден од евакуираните српски државјани рече дека условите во карантинот биле релативно добри и дека најтешкото било тоа што просторот бил ограничен. Тој додаде дека не видел ниту еден човек што е заразен.
Уште еден од евакуираните е и Александар Калаба, кој посочи дека сите имале храброст и трпение во целата ситуација, и се надеваат дека кинескиот народ ќе се избори со овој проблем.
„Навистина сакам да им се заблагодарам на луѓето од француската амбасада и на луѓето кои ни испраќаа пакети за полесно да го поднесеме карантинот“, рече тој. Дополни дека ниту тој лично не видел некој заболен, а со присутните сподели анегдота кога некој од пријателите посакал да се види со него, но потоа му испратил порака дека не му се сеедно, секако поради коронавирусот.