Ќе видиме какво ќе биде образложението во писмената пресуда и ќе се жалиме. Доколку се служиме со јазикот на ВМРО-ДПМНЕ за јавна критика и сарказам, произлегува дека сваровски судијата избран од тефтерчето сепак не може да пресуди против тие што го избрале и уште го држат за уши, изјави Панче Ефтимов, адвокатот на Русковска по изрекувањето на пресудата на Граѓанскиот суд кој денеска ја одби тужбата на шефицата на Обвинителството за организирам криминал и корупција Вилма Русковска против ВМРО-ДПМНЕ.

Таа ја тужеше партијата за клевета за користење на нејзиниот лик во два предизборни спотови.
Русковска во тужбата имаше наведено дека за време на емитувањето на спотовите со неа од страна на ВМРО-ДПМНЕ, таа преживеала анксиозност, душевна болка, загриженост.

Обвинителката бараше отштета од 10.000 евра од тужените, кои рече дека ќе ги донира во Детско село.