Сузбиена криминална група за препродажба на кокаин: Уапсени се пет лица од Арачиново и Неготино

Приведени се пет лица припадници на криминална група за набавка и дистрибуција на кокаин, во полициска акција вчера на повеќе локации во Скопје и во други градови во државата.

Портпаролот на МВР Тони Ангеловски на денешната прес-конференција соопшти дека полициски службеници од Одделот за сузбивање на организиран и сериозен криминал- Единица за недозволена трговија со дрога во соработка со Одделот за специјални полициски операции и СВР-Скопје, во координација со ОЈО за гонење на организиран криминал и корупција лишиле од слобода тројца од Арачиново и две лица од Неготино.

– Од страна на Одделот за сузбивање на организиран и сериозен криминал до ОЈО за ГОКК поднесена е кривична пријава против Х.А. (49), Ф.А. (22), Ф.А. (24) сите од општина Арачиново, Р.Г. (27) и П.С. (29), двајцата од Неготино, за сторени кривични дела „неовластено производство и пуштање во промет наркотични дроги, психотропни супстанции и прекурсори” по член 215 ст.3 од Кривичниот законик на РСМ. Од досега спроведената истрага утврдено е дека Ф.А. и Ф. А. (браќа) и нивниот татко Х.А. подолг временски период вршеле набавка и продажба на наркотична дрога кокаин по цена од 3000-5000 денари за еден грам на лица во повеќе градови низ државата и тоа во Скопје, Куманово, Тетово, Кавадарци и Велес, преку организирана мрежа на препродавачи и посредници, рече Ангеловски.

Прочитајте и...  Светска кибернетска војна - Хакери крадат тајни за вакцините за ковид

Криминалната група по извршената набавка, појасни, во својот дом вршела препакување на кокаинот за понатамошна продажба, а била координирана од Х. А..

– За време на спроведувањето на криминалистичкото истражување, обезбедени се материјални докази и документирани се претходни купопродажби на кокаин. По претходно изготвен план и по Наредба од судија на претходна постапка, на 05.09.2020 преземени се повеќе оперативно тактички мерки и активности и петте лица се лишени од слобода, а извршени се и претреси при што се пронајдени предмети поврзани со истрагата. Лицата лишени од слобода денеска ќе бидат изнесени пред судија на претходна постапка, истакна Ангеловски.

Министерството за внатрешни работи, потенцира портпаролот Ангеловски, продолжува со интензивни мерки и активности за сузбивање на нелегалната трговија со дрога, како и друг вид на криминал.

Прочитајте и...  Германија би можела во декември да почне со вакцикнација

Поврзани вести

ВИДЕО I Забава се претвори во трагедија: Свлечиште уништи ноќен клуб, при што загинаа најмалку седум лица!

И.И.

Од последици на ковид-19 почина Рефик Зенку, дописник на МИА

МИА агенција

Украинскиот претседател Зеленски се излекува од коронавирусот

Слободен печат

Гвардиола ја означи првата мета во преодниот рок, и не е Меси

Слободен печат

ФОТО: На аеродром во Багдад уапсен генералниот координатор на ИСИС

Илинка Иљоска

Поради штрајк граничниот премин Евзони утре ќе биде затворен за сообраќај

Слободен печат

Остави Коментар