Тренерот на турскиот фудбалски клуб Фенербахче, Жозе Мурињо е суспендиран откако изјави дека „судијата смрди“.

Фудбалската федерација на Турција го суспендираше Португалецот на еден натпревар, па тој нема да биде на клупата на својот тим против Сиваш.

По победата од 3:2 над Трабзон, Мурињо беше лут на судиските одлуки.

– Играч на натпреварот беше Атила Каролан, судијата во ВАР просторијата. Не го видовме, но всушност беше судија. Тој од невидлив стана најважниот човек на теренот. Мислам дека зборувам за сите навивачи на Фенербахче. Не сакаме повеќе, не сакаме, затоа што смрди. Не го сакаме ниту на теренот ниту во ВАР-собата – изјави Мурињо.

Мурињо тврди дека зажалил што дошол во Турција.

– Ме измамија кога дојдов. Ми кажаа само дел од вистината со која треба да се борам. Се бориме против системот, кој е во служба на еден клуб. Сепак, нема да се предадеме, бидејќи сме на вистинската страна – рече Мурињо.