Суперлигата брои ситно: Поразот го признаа Интер, Милан и Јуве!

epa08999619 Juventus' Cristiano Ronaldo (C) in action during the Italian Cup semi final, second leg soccer match between Juventus FC and Inter Milan in Turin, Italy, 09 February 2021. EPA-EFE/ALESSANDRO DI MARCO

Продолжуваат денеска откажувањата на клубовите од проектот „Суперлига“, сега тоа го направија италијанските гиганти Интер, Милан и Јувентус.

Иако се најавуваше проектот со 12 основачи, сега Суперлигата остана на само два клуба, Реал Мадрид и Барселона, но се очекува наскоро и тие да донесат одлуки.

– Ние отсекогаш сме сакале да им го дадеме најдобриот фудбал на нашите навивачи. Иновациите и вклученоста се дел од нашата ДНК – информира Интер во својата објава.

Претходно шпанскиот Атлетико се повлече од проектот, а неговиот тренер Диего Симеоне и играчите се среќни што се откажаа и веруваат дека спортските мотиви победија пред сите други.

УЕФА ја добива војната со Суперлигата, и Ањели си замина од Јувентус

Другите две италијански екипи кои се откажаа од Суперлигата се Милан и Јувентус.

„Росонерите“ за разлика од останатите клубови, децидно не наведоа дека се повлекуваат од натпреварувањето, туку само дека „го слушнаа гласот на навивачите ширум светот“.

Веднаш потоа соопштение објави и Јуве кој останува убеден дека Суперлигата е законски валиден и легитимен проект, но признава дека „сегашниот момент не е вистински и има многу ограничени шанси тој да заживее во првично замислената форма“.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот