Суперлига: Ракометарите на Бутел подобри и од Металург!
Ракометниот клуб Бутел победнички го завршува првиот дел од сезоната, денеска во салата „Автокоманда“ со 23:31 (12:17) триумфираше над Металург.
Напомена дека во гостинскиот состав не настапија странците и главните носители на играта кои со своите најблиски ги поминуваат божикните и новогодишните празници.
Прв стрелец во победничките редови беше Божиновски со 10 голови, два помалку забележа Милошевски, а на спротивната страна по три имаа Кондев, Шилегов, Серафимов и Лазаревски.
Тренерот на РК Бутел, Кристијан Грчевски им даде шанса на играчите што немаа досега голема минутажа, но тие ја оправдаа довербата и му го нанесоа првиот домашен пораз на Металург.
Се одиграа уште два меча: Прилеп-Еурофарм Пелистер 2 16:39 и Работнички-Тиквеш 29:31.
Табела: Металург 27 бодови, Бутел 25, Еурофарм Пелистер 2 22, Тиквеш 19, Прилеп 16, Работнички 9, Младост 1977 6.