„Супер Глоуб“: Познат можниот ривал на Вардар во четвртфиналето – Слободен печат
РакометСпорт

„Супер Глоуб“: Познат можниот ривал на Вардар во четвртфиналето

Како европски шампион Вардар се здоби со можност по вторпат да игра на неофицијалното клупско светско првенство, „Супер Глоуб“.

Во организација на Интернационалната ракометна федерација (ИХФ), Вардар ќе настапи на турнирот кој ќе се одржи од 27-31 август во Саудиска Арабија.

На „Супер Глоуб“ покрај „црвено-црните3 ќе играат и екипите на: Ал Вехда (С.Арабија), Барселона (актуелен победник), Заламек (Египет), Сиднеј (Австралија), Таубате (Бразил), Њујорк (САД), Ал Мудхар (С.Арабија) и Кил (Германија). Екипите се поделени во две групи и се игра по принципот на елиминација.

rkvardar.mk

Вардар ќе игра директно во четвртфиналето и таму за прв противник ќе го има побендикот од дуелот меѓу Ал Мудхар и Њујорк. Со оглед на тоа дека Вардарци се фаворити, евентуален ривал во полуфиналето би бил бундеслигашкиот гигант Кил.

Лани нашиот првак кој моментно е на подготовки во Требиње (Босна и Херцеговина) каде ќе одигра три контролни натпревари, пред две сезони исто така играше на Супер Глоуб и го освои третото место.

Да додадеме уште дека стартува приоритетната продажба на билетите за новата натпреварувачка сезона на двоjниот европски шампион. На повеќе од 45 денови од првиот домашен натпревар во групната фаза од ЕХФ лигата на шампионите во ЛШ, против Порто од Португалија продажбата на сезонските билети за сезоната 2019/2020, годинава ќе почне во среда, 7 август и ќе трае до 9 септември 2019. Повеќе информации ТУКА

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close