Сугарески: За Охрид и Струга нема да важи новиот Предлог-закон за легализација на дивоградби - Слободен печат

Сугарески: За Охрид и Струга нема да важи новиот Предлог-закон за легализација на дивоградби

Во вторник на седница на Влада ќе биде разгледан новиот Предлог-закон за легализација на дивоградби и се очекува да биде донесен во Собранието до крајот на годинава, соопшти министерот за транспорт и врски Горан Сугарески.

Во интервју во емисијата „Топ тема” на ТВ Телма вечерва тој рече дека во новиот закон, кој Министерството за транспорт и врски го подготвило во соработка со ЗЕЛС, нема да биде опфатен Охридско-струшкиот регион и ќе се почитуваат препораките на УНЕСКО.

– Ние како ресорно министерство сме на став да не биде опфатен. По сите критики од УНЕСКО, не смееме да дозволиме во натамошниот период да се случуваат такви работи. Затоа, во тој дел Охридско-струшкиот регион ќе биде изземен. Цениме дека тука треба да бидеме во согласност со УНЕСКО и со Законот за управување со светското културно наследство, рече Сугарески.

Во новиот закон ќе бидат опфатни објектите кои бесправно биле изградени до 1 октомври 2019 и ќе важат истите услови како и досега, но, нагласи Сугарески, со голема и евидентна разлика затоа што легализацијата нема да биде 1 евро за квадрат, туку покрај 100-те проценти ќе се наплатуваат и дополнителни  50 отсто казна поради незаконското градење. Суштината е решавање на правниот статус за да не бидат урнати зашто, како што рече, тоа е дилема и трето нема.

Во однос на автопатот Кичево – Охрид очекува да биде завршен до рокот содржан во анекс-договорот, јуни 2021 година, а ќе се обидат, како што рече, со Јавното претпријатие за државни патишта 30 километри од тој автопат (Охрид – Врбјани) да бидат пуштени наредната година. Потоа и преостанатите 27 километри каде што, рече, беа клучните проблеми и пропусти во неусогласеност меѓу проектната документација со состојбата на терен.

-Тука зборуваме за немањето клучки, алтернативни патишта, огромен број експропријации, дислокации на електроенергетски објекти итн. Секој може сè да кажува, дека оставил во наследство проекти, но овде зборуваме за исклучително лоши работи. Тоа е една од клучните причини за падот на БДП тогаш, рече Сугарески во емисијата „Топ тема”.

Прочитај повеќе

Почнува изградба на нов кружен тек во Општина Чаир

МИА Агенција

Државата еднострано ќе ги укинува договорите за концесија на рудниците, ако оцени дека е загрозено здравјето на граѓаните

Костадинов: Добрата страна е што предметите на СЈО ќе имаат извесност

Слободен печат

Манчевски: Ги направивме првите клучни чекори за унапредување на дигиталните вештини

Слободен печат

Што правеше посрамениот австриски политичар Штрахе во Белград (ФОТО)

Слободен печат

Шилегов: Најголем увозник на отпад е Макстил

Остави Коментар

seventeen − one =

Прочитај повеќе

Иран именуваше жена за амбасадор во Данска

Слободен печат

Царовска: Пробниот процес за дуално образование дава резултати, тестирани вкупно 135 ученици

Слободен печат

Уставниот суд не поведе постапка за амнестијата за „27 април”

МИА Агенција

Владата на Санчез побара од Парламентот по итна постапка да го ратификува Протоколот за НАТО

Слободен печат

Димковски: Во наредните денови во целост ќе заврши откупот на тутунот

Слободен печат

Сѐ што треба да знаете за корона вирусот

Слободен печат