Сугарески-Китанов: За десетина дена ќе биде објавен тендерот за доизградба на експресниот пат Фариш-Дреново

Министерот Сугарески истакна дека градежните работи се одвиваат со засилено темпо и се очекува реконструкцијата на патот и мостовите на патниот правец Фариш-Дреново да биде завршена во текот на следниот месец, соопшти Министерството за транспорт.

Mинистерот за транспорт и врски Горан Сугарески и директорот на ЈП за државни патишта Зоран Китанов денеска извршија увид во градежните работи за рехабилитација на регионалниот пат Раец-Фариш. Инвестицијата е со вредност од 1,5 милиони евра.

Министерот Сугарески истакна дека градежните работи се одвиваат со засилено темпо и се очекува реконструкцијата на патот и мостовите на патниот правец Фариш-Дреново да биде завршена во текот на следниот месец, соопшти Министерството за транспорт.

– Оваа делница е од големо значење за Прилеп, Битола, Ресен и за целиот централен дел на земјата, па затоа даваме посебно значење на неговата рехабилитација со цел да ја зголемиме безбедноста на патот и го олесниме сообраќајот. Она што сакам да нагласам е дека оваа есен продолжуваме со рехабилитација на делот од Фаришка клисура комплетно до Прилеп со изградба на трета лента онаму каде што недостига, со што целата патна врска од Градско до Прилеп наскоро ќе биде рехабилитирана. Предвидени се уште многу други проекти во делот на патната инфраструктура, со силно темпо работиме на изградба на магистралниот гасовод Неготино-Кавадарци-Прилеп-Битола, а исто така градиме и реконструираме водови и канализации низ повеќе населени места во регионот. Генерално, капиталните инвестиции ги подигнавме на повисоко ниво од претходната година, градежната сезона е пред нас и уверуваме дека во следниот период ќе се работи со уште позасилено темпо, изјави Сугарески.

Прочитајте и...  ВИДЕО | Бајден со сопругата: За Денот на благодарноста многу маси ќе останат празни

Директорот на ЈП за државни патишта Зоран Китанов истакна дека за околу една година целосно ќе биде обновен и реконструиран патниот правец од Фариш кон Прилеп.

– Секаде каде што се две ленти, ќе има изградба на трета лента. Тендерот за реконструкција на патниот правец Фариш-Прилеп е завршен и наскоро ќе отпоче да се работи. За рок од една година целосно ќе биде рехабилитиран и реконструиран патот од тука до Прилеп и по целата должина ќе биде со три ленти. Во тек е изградбата на експресниот пат Градско-Дреново, за десетина дена го објавуваме новиот тендер за доизградба на експресниот пат од Фариш до Дреново и веднаш потоа ќе започнат градежните работи, рече Китанов.

Прочитајте и...  Маричиќ со поддршка за премиерот: Целосно стојам зад Заев кој јасно кажа дека нема преговори за нашиот идентитет

Истакна дека ќе се започне со монтажа на звучните бариери на обиколницата Битола, а наскоро ќе започне и комплетна реконструкција на патниот правец Битола – Меџитлија.

– Исто така, кога сме кај пелагонискиот регион сакам да нагласам дека ќе бидат рехабилитирани седум регионални патишта со вкупна должина од околу 145 километри и вредност од 25 милиони евра меѓу кои Крушево-Демир Хисар, Битола-Демир-Хисар, Демир Хисар-Другово и Кривогаштани-Крушево. Во тек е изработка на проектот за изградба на автопат Прилеп-Битола, а во август очекувам да биде завршен проектот за изградба на експресен пат Битола-Меџитлија, изјави Китанов.

Поврзани вести

Повеќе од 1.300 луѓе биле погрешно информирани дека се позитивни на ковид-19

И.И.

Хрватски пратеник сподели фотографија од жени наредени пред Зара, била лажна, но не толку далеку од вистината

Слободен печат

ВИДЕО: Трамп одржа уште една новинарска лекција: Никогаш не зборувајте на претседателот на таков начин

И.И.

Вандализам во Охрид: Оштетен споменикот на жртвите од несреќата на бродот „Илинден”, МНР со осуда на инцидентот

Слободен печат

Тројца странски државјани уапсени на Косово во врска со убиство во Босна и Херцеговина

Илинка Иљоска

Заев под „вкрстен“ оган

Слободен печат

Остави Коментар

MacedonianAlbanian