Белорусија издаде меѓународна потерница за Светлана Тихановскаја, опозициски кандидат на неодамнешните претседателски избори во земјата, под обвиненија дека повикала да се наштети на белоруската национална безбедност, изјави извор од судството во Минск за агенцијата ТАСС.

Според него, „станува збор за повреда според членот 361 од Кривичниот законик на Белорусија (повици за постапување против државни агенции и институции)”.

Белорусија претходно издаде потерница за апсење, која важи и во Русија, поради билатералниот договор што го имаат овие две земји.

На 9 август, Изборната комисија на Белорусија соопшти дека Александар Лукашенко освоил 80,10 проценти од гласовите, а Тихановскаја 10,12 проценти.

Таа одби да ги прифати резултатите, сметајќи ги наместени, па истиот ден ја напушти Белорусија и замина во соседна Литванија.