Судот ги отфрли жалбите на Јанакиески и седуммината осомничени кои остануваат во притвор

Фото: Слободен печат

Кривичниот суд Скопје на денешната седница ги отфрли жалбите по изречената мерка притвор за осум лица кои беа приведени во петокот под сомнение за злоупотреба на службената положба и овластување, а едно од лицата за несовесно работење во службата.

-Постапувајќи по жалби од осум лица, осомничени од Јавното обвинителство за кривичното дело Злоупотреба на службената положба и овластување,  поднесени против решенија на судија на претходна постапка од 28.06.2019 година, Кривичниот совет на одделението за организиран криминал и корупција при Основниот кривичен суд – Скопје денеска одржа седница во присуство на странките. По разгледување и ценење на фактите и наводите на странките во постапката, Советот донесе решенија со кои ги одби жалбите и ги потврди решенијата на судијата на претходна постапка со кои за осумте лица се прифаќа предлогот на Јавниот обвинител и им се определува мерка притвор
во траење од 30 дена, стои во соопштението од Основниот кривичен суд – Скопје.

По наредба на надлежен јавен обвинител, во петотокот е спроведена истражна постапка против 11 лица за кои постои основано сомнение дека сториле кривично дело злоупотреба на службената положба и овластување, а едно од лицата за несовесно работење во службата, при што со своите дејствија предизвикале штета на Буџетот во вкупен износ од 162.644.745,00 денари или 2.647.802 милиони евра. Еден од осомничените е недостапан за органите на прогонот, а за две лица се изречени мерки за претпазливост.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот