Судири меѓу студенти и полиција во Јоханесбург: Најмалку едно лице загина, тројца се уапсени
Најмалку едно лице го загуби животот, две се повредени, а тројца уапсени во судирите меѓу студентите и полицијата за време на протестите за партиципација на Универзитетот Вајтватерсранд во Јоханесбург.
Жртвата е случаен минувач кој влезе во оган што го отвори полицијата врз студентите, се наведува во соопштението.
Протестите се организираа по забраната за упис на илјадници студенти кои должат партиципација за минатата учебна година. Властите се загрижени дека протестите во Јоханесбург би можеле да се прошират и на останатите јужноафрикански универзитети.
Министерот за високо образование во понеделникот истакна дека владината Национална програма за финансиска поддршка на студентите што е насочена кон сиромашните академци нема доволно пари, што е последица на економскиот пад поради пандемијата.