Суарез има порака за Барселона: Купете нов напаѓач
Луис Суарез лошо ја започна сезонава и неколку пати досега беше исвиркан од навивачите на „Камп Ноу“. Уругваецот досега постигна само седум голови, а навивачите му замеруваат за лошите игри во Лигата на шампионите каде на последните 26 натпревари постигна само пет гола, а дел од нив се гневни и поради неговото заминување на операција веднаш по шокантната елиминација во Лигата на шампионите.
Поради таа операција, не настапи на финалето на Кралскиот куп во кој неговата Барселона загуби од Валенсија.
– Доколку Барселона донесе нов напаѓач, ќе го чувствувам истиот притисок кој што го имам на секои три дена. Кога размислувам околу иднината на Барселона, а јас исто така сум навивач на овој клуб, најдобра работа би била челниците да донесат нов напаѓач кој во наредните години би на носел „деветката“ – изјави Суарез.
Уругваецот кој од 2014 година го носи дресот на каталонскиот клуб, наведе тројца фудбалери кои сака да ги види во Барселона.
– Еден од нив е Тами Абрахам кој е главен напаѓач во Челси. Неговите движења и реализацијата се на врвно ниво. Вториот е Макси Гомез, не затоа што е Уругваец туку има квалитети кои и се потребни на Барселона. Тука е и Лаутаро Мартинез кој исто така е фантастичен играч – потенцира Суарез.