Студија: Петпати поголема веројатност за зараза од оние кои прележале ковид-19, околу 10 проценти повторно инфицирани

Фото: EPA-EFE/FRIEDEMANN VOGEL

Студија спроведена врз 3.000 млади американски маринци кои немале Ковид-19, покажа дека е петпати поголема веројатност да се заразат од оние кои ја прележале инфекцијата, додека околу 10 проценти од маринците кои се заразиле со коронавирусот биле повторно инфицирани. Студијата е објавена во медицинското списание „Лансет”.

„Инфекциите во минатото не гарантираат имунитет, вакцинацијата останува клучна”, се нагласува во текстот на медицинското списание „Лансет”.

Од 189 серопозитивни учесници, 19 (десет проценти) биле позитивни на ПЦР-тестовите во следните шест недели, покажа студијата.

Поранешните пациенти меѓу реинфектираните маринци имале помалку антитела и помалку неутрализирачки антитела, во споредба со маринци кои не се реинфицирале, а кои имале Ковид-19.

„Иако антителата добиени со првичната инфекција се прилично заштитни, тие не гарантираат целосно неутрализирање на коронавирусот или имунитет од нова заразување со корона”, се вели во студијата. 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот