Студија: Мадрид, Антверпен и Торино се најзагадени градови од азот диоксид во Европа
Според студија на Институтот за глобално здравје во Барселона, градовите Брисел и Антверпен се наоѓаат во првите десет најзагадени градови од азот диоксид (НО2) во цела Европа.
Студијата е објавена во списанието Lancet planetary health, а анализирани се над илјада градови во 31 земја во Европа.
Загадувањето од азот диоксид, или НО2, е најсмртоносно во Мадрид, Антверпен и Торино, а Брисел се наоѓа на осмо место.
Според авторите на студијата со намалување на загадувањето од НО2 и почитување на препораките на Светската здравствена организација, може да се избегнат 60 илјади прерани смрти секоја година.
Азот диоксидот е одговорен за најситните честички познати како ПМ 2.5 и предизвикуваат крајно опасни и некогаш фатални здравствени проблеми кај луѓето.
Најдобри перформанси, според студијата, бележат градовите во Норвешка, Шведска и Финска.
Институтот за глобално здравје ја повикува ЕУ да го ревидира своето законодавство во однос на загадувањето од азот диоксид за поефикасно да се заштити здравјето на граѓаните, за тоа е потребно да се намалат границите за НО2 и ПМ 2.5 честички во Европа.
Според белгиските студии најодговорни за загадувањето во градот Брисел од НО2 се патниот превоз и греењето.