Студено време и попладнево, зголемување на снежните врнежи во текот на ноќта

Фото: Слободен печат/Арбнора Мемети

Времето во целата земја денеска е облачно, студено и ветровито, насекаде со врнежи од снег и температури под нулата.

Според информацијата на УХМР најмногу снег има на Попова шаока 44 сантиметри, 13 Маврови Анови, девет Претор, сседум Охрид, шест Битола, пет Пожаране, четири Штип, три Тетово, Берово, Ѓуриште, Тополчани, и два Прилеп, К.Паланка. Најмногу врнежи во текот на денов имало во Претор 9 литри на метар квадратен, шест Охрид, пет Пожаране, четири Тетово, два Берово, Струмица, Крива Паланка и Битола и еден Прилеп и Штип.

Температурата според мерењата на УХМР се движела од -14 Попова Шапка, -12 Маврово, -8 Берово, -6 Прилеп, Крива Паланка, -5 Охрид, Тетово, Штип, -4 Скопје, Битола, -3 Демир Капија, -2 Струмица, Гевгелија до нула во Претор.

Облачното и многу студено време со врнежи од снег ќе продолжи и попладнево, кои во текот на ноќта ќе се интензивираат особено во југозападните и западните делови. До утре насекаде ќе се формира снежна покривка, во источните делови до 10 см, а на запад меѓу 20 и 30 см. На планините на северозапад постоечката снежна покривка ќе се зголеми за нови 20 до 30 см снег. Ќе дува умерен до засилен ветер од северен правец.

Утре времето ќе биде облачно со врнежи од снег, пообилни претпладне особено во јужните делови. Снежната покривка насекаде дополнително ќе се зголеми. Ќе дува умерен до засилен ветер од северен правец. Минималната температура ќе биде во интервал од -11 до -5, а максималната и утре насекаде ќе се задржи негативна и ќе биде во интервал од -8 до -2 степена.

Во Скопје облачно, времето претпладне и околу пладне ќе биде со врнежи од снег. Ќе дува умерен, повремено засилен северозападен ветер. Минималната температура ќе биде околу -8, а максималната ќе достигне -4 степени.

Од понеделник времето ќе биде стабилно и студено. Утринските температури до среда во најголем дел од земјава ќе бидат под -10, а на места и под -15 степени. Дневните температури генерално ќе се задржат под нулата. Во овие денови ќе има опасност од голомразица. Од четврток следува постепено затоплување.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот