Oдбојкарите на Струмица Никоб денес лесно славеа против Борец со 3:0 и го освоија Купот на Македонија.

Актуелниот шампион на Македонија доминираше во куп финалето одиграно во Радовиш и не дозволија противникот да освои ниту еден сет. Најубедливи струмичани беа во првиот сет кој го добија со 27:7, во вториот беше 25:23, а во третиот 25:18.

Владо Малев го предводеше својот тим со 12 поени, еден помалку запиша Хараба, додека Алексов го заврши мечот со седум. На спротивната страна Волков стигна до 14 освоени поени, а Костиќ 12.

За Струмица ова беше вкупно деветти трофеј во купот, а шести по ред.