Струга немоќна, нови бодови за Е. Пелистер во Суперлигата
Во третото коло од македонската Суперлига, составот на Е. Пелистер денеска го совлада убедливо тимот на Струга со резултат 45:20.
Нови бодови остварени во салата „Боро Чурлевски“ за играчите на тренерот Жељко Бабиќ ова е трет триумф по ред од почетокот на сезоната со девет бодови, три повеќе од Вардар на втората позиција, со напомена дека „црвено-црните“ имаат еден меч помалку.
На средбата во Битола за Е. Пелистер осум погодоци беа дело на Божиќ Павлетиќ, по шест имаа Мандалиниќ и Табоада.
За стружани доминираше Дукоски кој петпати се запиша во листата на стрелците, четири гола беа дело на Пајкоски.
Во текот на денешниот ден во истата рунда силите ќе ги одмерат Т. Пролет и Прилеп.