Стрела и асистира, Тричковски во одлична форма! (ВИДЕО)
Тричковски се враќа во вистински момент, секако ова е добра вест за селекторот на нашата А репрезентација Игор Ангеловски кој дефинитивно би имал одлична опција во нападот за наредните квалификациски мечеви.
Препознатливо, Тричковски им се враќа на головите, но и секако асистенциите во дресот на АЕК Ларнака со кој забележа нов триумф.
Во рамките од летните подготовки пред новата натпреварувачка сезона, македонскиот репрезентативец беше најзаслужен за победата на кипарскиот клуб.
Кипрани триумфираа денеска со резултат 2:0 против полската екипа на Горник Забрзе. Доказ дека се враќа во голгетерска форма, се и двата гола пред четири дена во победата против Лех Познањ.
Најпрвин нашиот интернационалец асистираше за водство во 26 минута, а непосредно пред крајот на првото полувреме беше прецизен од белата точка.