СТРАВОТНО: Во Берлин најдени пет мртви тела меѓу кои на три деца
Во близина на Берлин, кај местото Кенигз Вустерхаузен, пронајдени се пет мртви тела, помеѓу кои и телата на три деца, пренесуваат германските медиуми.
Како што информира портпаролот на тамошната полиција, денеска претпладне, во куќа, биле пронајдени пет тела, откако полицијата извршила претрес по добиена дојава од соседите. Постојат сомнежи дека станува збор за убиство.
Во тек е голема истрага на полицијата, за да се дознаат повеќе детали за случајот.
-На телата видливи се прострелни и убодни рани, вели Гено Бантлеон, државен обвинител во разговор за германски Билд.
Двајцата возрасни се на возраст од 40 години, а децата се на возраст од четири, осум и десет години. Германските медиуми објавуваат дека сите петмина биле во карантин поради ковид-19.