Германското здружение за приватно банкарство „BdB“ се залага за државна дигиталната валута и сака да ги спречи плановите на „Фејсбук“ со „Либра“.

– Приватната валута како „Либра“ би вклучувала огромни ризици што во никој случај не се прифатливи – рече претседателот на „BdB“, Ханс-Волтер Петерс, на маргините на есенскиот состанок на Меѓународниот монетарен фонд (ММФ) во Вашингтон.

Тоа би претставувало ризик за финансиската стабилност и за индивидуалните инвеститори, како и за перењето пари и финансирањето на тероризмот.

– Приватните валути кои водат повеќе или помалку нерегулирани животи не треба да го поткопаат монетарниот систем на државата. Сепак, дигиталната валута има голем потенцијал и може да ги направи глобалните плаќања многу поефикасни. Затоа ни треба дигитално евро во Европа. Тоа ќе биде важен придонес за посилна Европа – вели Петерс и ЕЦБ мора да го прифати тоа.

Банките повторно беа обвинети дека ги правеле прекуграничните плаќања на клиентите премногу скапи и предолги. Индустријата не треба да ги заобиколува новите идеи, сметаат тие.

Експертите веруваат дека „Фејсбук“ со своите 2,4 милијарди корисници може да го претвори проектот „Либра“ во глобален финансиски систем.

Сепак, отпорот на државите е голем. Германскиот министер за финансии Олаф Шолц ги обнови своите критики во Вашингтон, велејќи дека приватните компании не треба да се натпреваруваат со еврото или доларот. Тој исто така неодамна истакна дека финансискиот сектор итно треба да стане поефикасен.

Дури и претседателот на германските федерални резерви Јенс Видман не е убеден дали е потребна државна криптовалута.

– Не ја гледам сегашната потреба од дигитални пари на централната банка. Како и да е, централните банки ќе треба да разјаснат какви се можните ефекти ако тоа се случи – рече тој.