Во полуфиналето на Европското првенство одбојкарската репрезентација на Србија и актуелен европски шампион ќе се сретне со селекцијата на Италија, која денеска убедливо ја победи Германија со 3:0 во Острава (Чешка), по сетови 25:13, 25:18 и 25:19.

Полуфиналниот натпревар помеѓу Италија и Србија е закажан за 18 септември во полскиот Катовице, додека истиот ден Полска ќе се соочи со Чешка или Словенија. Финалето и борбата за третото место ќе се одржат на 19 септември исто така во Катовице.

Италијанците за првпат од 2015 година, се помеѓу четирите најдобри селекции на „Стариот континент“, а последен пат го подигнаа трофејот во 2005 година.

Играчите на Фердинандо Де Џорџи стигнаа до полуфиналето со само два загубени сета и затоа ги прави едни од фаворитите за европската титула годинава.

Најдобри денеска во победничките редови беа Алесандро Микелето и Даниеле Лавија со по 13 поени, а на спротивната страма Мориц Карличек се истакна со 11 поени.

ВИДЕО: Полјаците го елиминираа олимпискиот вицешампион Русија