Вкупно 11 натпревари беа одиграни доцна синоќа, ретко видени сцени на терените во НБА лигата, мечот Филаделфија-Минесота го одбележа тепачката меѓу Џоел Ембид и Карл Ентони Таунс.

До немилиот инцидент дојде во третата четвртина при водство од 75:55 за Филаделфија, додека се одвиваше напад на спротивната страна, Ембид и Таунс почнаа физички да се пресметаат, во целата мешаница се вмеша Бен Симонс кој за врат го фати центарот на Минесота.

И двајцата заработија исклучувања, а веројатно ги чека и жестока казна од првите луѓе на НБА лигата.

Првата ѕвезда на Голден Стејт, Стеф Кари доживеа тешка повреда на раката на мечот против Феникс Санс.

Ова е голем удар за Вориорси, со оглед на тоа што претходно останаа без уште еден клучен играч, Клеј Томпсон кој се повреди во финишот од минатата сезона.

НБА, резултати –

Кливленд Кавалирс-Чикаго Булс 117:111
Орландо Меџик-Њујорк Никс 95:83
Филаделфија Сиксерс-Минесота Тимбервулвс 117:95
Бостон Селтикс-Милвоки Бакс 116:105
Бруклин Нетс-Индијана Пејсерс 108:118
Торонто Репторс-Детроит Пистонс 125:113
Оклахома Сити Тандер-Портланд Трејл Блејзерс
Вашингтон Визардс-Хјустон Рокетс 158:159
Сакраменто Кингс-Шарлот Хорнетс 111:118
Јута Џез-Лос Анџелес Клиперс 110:96
Голден Стејт Вориорс-Феникс Санс 110:121