СТРАШНА ГЛЕТКА ВО ФЛОРИДА: Деца живееле во стан со 245 животни (ФОТО)
Полицијата во градот Еџвотер, во Флорида затекнала страшна глетка за време на посета на стан, откако добиле пријава за лошо постапување кон малолетници. Полицајците пронашле во станот три деца како живеат во истиот простор со 245 различни животни.
Градската полициска станица на официјалниот Фејсбук профил објави фотографии од станот во кој живееле децата, наведувајќи дека веднаш станало јасно дека ниту децата, ниту животните не биле соодветно згрижени.
Во станот било пронајдено и мртво морско прасе и расипана храна, а на подот имало измет и урина од животните.
Поради состојбата на станот, покренати се обвиненија против Мелиса Хамилтон, Грег Нелсон и Сузан Нелсон за злоупотреба на деца, како и 66 точки за суровост кон животните.
Социјалната служба ги преместила децата на возраст од осум, девет и 10 години кај роднини, а за миленичињата ќе се грижи центар за спасување животни.