Страшевски: Обвинетиот Трајковски не добил уредна покана од судот
Трајковски испратил и писмено известување до судот.
Денешното рочиште за случајот „ТНТ“ не се одржа бидејќи обвинетиот Тони Трајковски не добил уредна покана од судот, вели адвокатот на одбраната, Јовица Страшевски.
Обвинетиот Тони Трајковски во случајот „ТНТ“ не добил уредна покана за да се појави во судот,
-Јас како негов бранител запрашан од страна на судијата одговорив, а и пред медиумите дадов изјава дека Тони Трајковски нема уредна достава на покана за закажано ново рочиште, тоа не беше прифатено од страна на судијата и беше даден налог за стражарно приведување на Тони за утрешното судење 15.01.2020, се вели во дописот од Страшевски.
Посочува дека Трајковски денеска при редовно пријавување во судот побарал да му се достави покана за ново рочиште, но не му била доставена од страна на судот. Трајковски испратил и писмено известување до судот.
-Уште еден доказ дека одбраната не прави опструкции во предметот ТНТ како што тоа го прикажуваат од Кривичниот сид со штури соопштенија до јавноста, и доказ дека одбраната и обвинетите се за праведно ефикасно,ефективно и пред се законито судење без пропусти во постапката, вели Трајковски.