Од Велика Британија објавија дека танкерот што вчера го запленила иранската војска не половел под британско знаме.

– Колку што знаеме, нема британски интереси на тој брод – изјави портпарол на британската влада, а пренесе агенцијата „Ројтерс“.

Иранската револуционерна гарда  вчера во Персискиот Залив заплени странски танкер со 12 членови на екипажот поради наводно шверцување на нафта.

• Иран заплени нов странски танкер кој носел нафта во Персискиот залив

Иранската државна телевизија објави дека танкерот бил пресретнат јужно од иранскиот остров Ларак, пренесе агенцијата АП.

Како што тврди иранската телевизија, танкерот шверцувал нафта која иранските шверцери ја продавале на странски клиенти.

Во извештајот не е наведено на која земја ` припаѓа на танкерот, ниту чии државјани се членовите на екипажот.

Веста за запленување на танкерот доаѓа во време на зголемени тензии меѓу Иран и западните сили.