Странски медиуми: С. Македонија одржува избори во време на раст на заболени од Ковид-19

Северна Македонија организира парламентарни избори, во време на алармантен раст на бројот на случаи на заболени од коронавирусот во оваа мала балканска нација, наведуваат странските медиуми во своите осврти на гласањето во земјава.

Медиумите потестуваат дека од јануари со земјава раководи техничка влада, откако водечките партии се договорија за одржување на предвремени избори по одлуката на ЕУ во октомври минатата година да не одреди датум за старт на преговорите за членство со Северна Македонија.

Грчки „Катимерини” наведува дека во такви услови Парламентот избра привремена влада составена од членови на двете најголеми партии, со единствена цел да ги организира изборите, кои првично беа закажани за 12 април, но беа одложени поради падемијата на Ковид-19 и презакажни за в среда 15 јули.

– Ова е првпат едни избори да се одржуваат во работен ден. Изработени се посебни протоколи за оние кои се во карантин заради вирусот. Тие можат да гласаат в понеделник, при што членовите на избирачките одбори и медицински тимови ги носат гласачките кутии до нивните домови. Од околу 5.000 луѓе кои се во карантин, за гласање се пријавиле нешто над 700. Затворениците, старите лица и болните гласаат во вторник, додава „Катимерини” во својот осврт.

Прочитајте и...  Повеќето кафулиња и ресторани во Грција со ограничено работно време

Кинеската државна агенција Синхуа наведува дека здравствените власти потврдиле оти гласањето ќе биде безбедно и покрај зголемениот број нови инфицирани и жртви на Ковид-19 регистрирани во земјата во последните денови.

– Според препораките дадени од Комисијата за заразни болести, луѓето ќе треба да одржуваат дистанца на избирачките места, да користат средства за дезинфекција пред и по гласањето и да носат заштитни маски за време на процесот. Изборниот молк, период кога е забранета кампања на политичките партии, започна на полноќ. Заради ситуацијата со Ковид-19, луѓето можат да го дадат својот глас во понеделник, вторник и среда, потенцира агенцијата.

Порталот Бизнис Њуз Јуроп (БНЕ) со седиште во Берлин оценува дека меѓу граѓаните во земјава нема преголем ентузијазам околу изборите поради стравувањата од „навидум незапирливата епидемија на коронавирус” и нејзините економски и социјални последици.

– Бидејќи зафати жешко време многу луѓе ги напуштија своите домови во главниот град Скопје и заминаа во нивните родни места или одморалиштата крај езерата, па прашање е колкумина ќе бидат мотивирани да се вратат во градот да гласаат. Луѓето генерално се разочарани од целокупната состојба и не постои ентузијазам дури и меѓу силните поддржувачи на една или друга партија за овие избори, смета БНЕ.

Прочитајте и...  Филипче: Став на Комисијата е онлајн-настава, освен за првачињата

Радиото Франс 24 во својот осврт на изборите наведува дека тие се одржуваат во услови на нов пораст на бројот на случаи на коронавирус, што резултираше со меѓусебни обвинувања помеѓу ривалските табори.

– Пандемијата ги засили поделбите во оваа балканска држава чијашто политичка сцена последниве години запаѓа од криза во криза, оценува Франс 24, потетувајќи дека Парламентот е распуштен, а последниве шест месеци со земјава раководи привремена влада, чиј што мандат беше предвидено да трае до април.

Според радиото, големиот број случаи на инфицирани од Ковид-19 може да резултира со намален одѕив на гласањето, иако здравствените власти издадоа специјални протоколи за изборите, вклучително и „дводневно предвремено гласање за заразените пациенти и болните”.

Прочитајте и...  Бутан првпат прогласи сеопшт карантин поради едно заразено лице од Ковид-19

Франс 24 пренесува и изјава на 38-годишен жител на Скопје, кој вели дека нема да гласа, затоа што стравува за своето задравје. – Тие велат дека е безбедно како влегување во супермаркет. Јас морам да одам во супермаркет, но не морам да гласам”, додава тој.

АФП информира дека Северна Македонија в среда „излегува на гласање” на први парламентарни избори откако земјата ја додаде придавката „Северна” на своето име, со што стави крај на долготрајниот спор со Грција.

– Сепак, кампањата беше засенета од вториот бран на случаи на коронавирус, оценува АФП во анализата во која дава осврт и на клучните партии во земјата, нивните заложби и шанси на изборите.

Балкан инсајт, пак, во текстот „Тајни сними ја нарушија изборната кампања во Северна Македонија” потенцира дека оваа предизборна кампања беше преплавена со објавување на снимки на „Јутјуб” од страна на анонимни извори, кои открија „засрамувачки, па дури и инкриминирачки разговори” водени меѓу на припадници на водечките партии.

Прочитај повеќе

До 31 август продолжена забраната за влез во Грција за државјани на трети земји

МИА Агенција

Фаучи: Сериозно се сомневам дека руската вакцина е безбедна и ефикасна

Слободен печат

Пет градови во Турција имаат најголема стапка на раст на новозаразени

Слободен печат

СЗО: Над 10.000 новозаразени со коронавирус во Африка

Слободен печат

Германија има над илјада новозаразени со коронавирус

Слободен печат

Словачка се соочува со втор бран на коронавирусот

Слободен печат

Остави Коментар

Прочитај повеќе

Џасинда Ардерн: Понатамошно ширење на Ковид-19 ќе влијае на одлуката за избори

МИА Агенција

Повторно има интернет во Минск, приведени над 2.000 лица во протестите по претседателските избори

МИА Агенција

ДИЖС: Нема забележано појава на истекување црвена отпадна вода во реката Вардар

МИА Агенција

Комисијата за заразни болести ќе одлучува дали да се воведе PCR тест за патниците од соседството кои транзитираат низ државава

МИА Агенција

Бутан првпат прогласи сеопшт карантин поради едно заразено лице од Ковид-19

МИА Агенција

Словенечкиот гудачки квартет „Дисонанс” денеска на програмата на „Охридско лето”

МИА Агенција