Странки се степале во просториите на МВР
Тројца граѓани, кои биле во управните служби на МВР како странки, се степале вчера попладне, соопшти полицијата.
„На 21.12.2021 во 15.40 часот во СВР Скопје било пријавено дека во просториите на Управните служби на МВР, во зградата на МРТВ, по претходно недоразбирање, бил нарушен јавниот ред и мир со физичка пресметка помеѓу Е.М.(40) и Ш.М.Р.(38), двајцата од с.Мојанци, скопско, од една страна и С.К.(54) од с.Љубин, скопско, од друга страна, сите странки во службите“, велат од МВР.
Сочинети се записници за констатиран прекршок од Законот за прекршоците против јавниот ред и мир.