Стотици плажи во Грција стануваат достапни за луѓето со посебни потреби
Акцијата „Создавање интегрирани туристички достапни морски дестинации“ донесе резултати, повеќе од 250 плажи низ Грција станаа достапни за секого, пишува грчки „Мери Клер“.
Конкретно, како што е најавено, интервенциите на поширокото подрачје на плажите за капење се однесуваат на непостојаната инфраструктура, како што се пристапни рампи и коридори на плажа, отстранливи соблекувални, преносливи санитарни простори, површини за сенка и заштита на капачите, како и паркинг места за инвалиди.
Целта е да се обезбеди пристап до морето за лицата со посебни потреби и лицата со ограничена подвижност, како што се постарите, бремените жени, лицата со тешкотии во движењето, како и промоција на Грција на меѓународно ниво како достапна поморска туристичка дестинација.
Веста ја објави и меѓународната платформа „Гудњуз мувмент“ (Goodnews Movement), која репродуцира добри вести од целиот свет.
За да ги најдете сите достапни плажи кои се веќе воспоставени низ целата земја, посетете ја веб-страницата www.accessiblebeaches.gr.