Големи месојадни стоногалки од Јужен Пацифик прв пат се снимени како јадат малечка птица. Стручњаците проценуваат дека овие инсекти годишно јадат и до 3700 мали птици.

Стоногалките од островот Филип, недалеку од Австралија се вистински машини за убивање – можат да пораснат до должина од 30 сантиметри и имаат оклоп кој им го штити телото, а на жртвите им вбризгуваат отров за да ги парализираат.

Научниците кои за новата студија објавена во списанието „Американски натуралист“ се занимавале токму со нивната исхрана, утврдиле дека стоногалките се главни предатори на тој остров и многу важен дел од екосистемот на островот на кој е уништена вегетацијата, откако во 18 век бил живеалиште за кози, овци, свињи.

Отако во 20век животните биле отстранети пораснал бројот на стоногалки и посебен вид мали црни птици. Овие птици се хранат од морето, а со нивно јадење стоногалките помагаат да се ослободат во природата важните материи кои помагаат да се обнови вегетацијата.