Генералниот секретар на НАТО, Јенс Столтенберг денеска изјави дека не е во ред да постои сомнеж во безбедносната гаранција на Западната алијанса, но дека тој работи на решавање на спорот со Турција околу сојузничките планови за одбрана на Балтикот.

На прашањето дали проблемот може да се реши до крајот на самитот во Лондон, тој рече дека тоа не може да го вети, но дека може да каже оти се работи на тоа.

– Меѓутоа, тоа не е како НАТО да нема план за одбрана на балтичките земји, рече Столтенберг.

По појадокот со американскиот претседател Доналд Трамп, тој рече дека НАТО и натаму има силна поддршка во Соединетите Американски Држави и го наведе „големиот парадокс” дека луѓето додека ја доведувале во прашање трансатлантската врска, граѓаните го поддржувале НАТО.

– Имаме лоша реторика, но исклучително добра суштина, истакна Столтенберг.