Столтенберг: Финска ќе влезе во НАТО во наредните денови

Генералниот секретар на НАТО Јенс Столтенберг денеска изјави дека Финска ќе и се приклучи на Алијансата во рок од неколку дена по одлуката на Турција да ја ратификува нејзината апликација.

– Сите 30 сојузници на НАТО сега го ратификуваа Протоколот за пристапување. Финска формално ќе се приклучи на нашиот сојуз во наредните денови, рече Столтенберг.

Турскиот Парламент вчера ја одобри кандидатурата на Финска за членство во НАТО, отворајќи го патот на Хелсинки да се приклучи на западната алијанса во екот на војната во Украина.

Турскиот парламент е последниот од 30-те парламенти членки на НАТО што го одобри членството на Финска во Алијансата.

На почетокот на оваа недела, и унгарскиот Парламент го одобри влезот на Хелсинки во северноатлантската алијанса по неколкумесечни одложувања.

Финска и Шведска на 18 мај минатата година до генералниот секретар на НАТО поднесоа барања за влез во Алијансата

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот