Столтенберг бара Сирија и Русија итно да запрат со нападите во Идлиб

Генералниот секретар на НАТО Јенс Столтенберг денеска ги повика Сирија и Русија веднаш да ги прекинат воздушните напади на Идлиб и целосно да ги почитуваат своите меѓународни обврски.

Изјавата ја даде по денешната вонредна средба со амбасадорите на државите-членки на Алијансата, на барање на Турција.

Сојузниците изразија поддршка за Турција. Ситуацијата е опасна и мора да се смири. – Ние повикуваме на итно продолжување на прекинот на огнот и обезбедување хуманитарен пристап, додаде Столтенберг.

Тој истакна дека Турција е сојузник на НАТО, кој претрпе најмногу терористички напади, прими најголем број бегалци и најтешк е погоден од ситуацијата во соседна Сирија. Столтенберг додаде дека НАТО ќе продолжи да ја следи ситуацијата долж турско-сириската граница.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот