Столбот на Барса го знае „рецептот“ против Вардар
Вардар кој во вторникот ја одбрани шампионската титула во првенството, ќе ја има улогата на „аутсајдер“, но сведоци сме од минатото дека на Ф4 не секогаш слаи подобриот.
– Ќе играме максимално во Келн. Ги имаме нашите шанси. Сè е можно во текот на натпреварите. Вардар е силен тим и ако сака да триумфира против нас, тоа мора да го заслужат – вели ракометарот на Барса, Тиагус Петрус Гончалвеш дос Сантос за официјалниот сајт на ЕХФ.
Во неговата прва сезона во дресот на каталонскиот гигант, Петрус ги брои деновите до почетокот на Фајнал фор турнирот во ЛШ, во полуфиналето на 1 јуни со почеток од 18:00 часот ќе игра против македонскиот шампион.
Минатото лето дојде во Шпанија од редовите на Пик Сегед, малку време му требаше да се адаптира, а со него одбраната на Барса е уште посилна.
– Мислам дека одбраната ќе биде клучот. Ако сме ОК, помогнат голманите и имаме брзи контри, ќе имаме големи шанси да го совладаме Вардар и се пласираме во финалето. Заедно со Фабрегас и Сораиндо имаме силна конекција во делот на одбраната – рече играчот на Барса.
Воедно и го коментираше противникот во полуфиналето на Ф4, Вардар:
– Вардар е тим со добра одбрана. Еден микс на физичка сила и интелигенција, и тоа ги прави опасни. Мораме да биде интензивни во одбраната за да имаме шанси да трчаме и реализираме голови од контра напади. Што се однесува до другите тимови, и Веспрем е екипа со повеќе килограми и моќ, а мислам дека Келце е најтактичкиот од сите учесници со план кој го извршуваат перфектно – се зборовите на Петрус.