Стојановски сигурен од пенал, радост за Ним во францускиот куп
Не беше стартер, но македонскиот репрезентативец придонесе кога беше најпотребно за пласман на Ним во следната рунда од натпреварувањето.
Денеска во рамките од фудбалскиот Куп на Франција екипата на Ним триумфираше на гостувањето кај составот на Тур после ударите од белата точка.
По регуларните 90 минути резултатот беше 2:2, немаше погодоци во двете продолженија, па победникот беше познат во пенал рулетот.
Македонскиот репрезентативец Влатко Стојановски не беше стартер во редовите на Ним, но затоа придонесе кога беше најпотребно во остварувањето на успехот.
Во еден момент Ним беше во непријатна ситуација, бидејќи беше во негатива од 2:1 после две пенал серии откако промаши Пакиез.
Како под силен „притисок“ да беше Стојановски кој едноставно мораше да погоди од белата точка, тоа и го направи за израмнување на 2:2.
За Тур не реализираше Идас, па казни Денки, домаќините повторно беа непрецизни овојпат преку Да Силва, а конечните 2:4 за Ним ги постави Валерио.