Стојановски и официјално нов фудбалер на Ним – Слободен печат
СпортФудбал

Стојановски и официјално нов фудбалер на Ним

Како што и се најавуваше денеска македонскиот напаѓач Влатко Стојановски беше промовиран како нов играч на францускиот клуб Ним.

Стојановски кој до сега ги бранеше боите на прволигашот Ренова потпиша договор на три години со тимот од Лига 1.

Ќе го носи број 17 во новата натпреварувачка сезона 2019/20, иако од клубот најавија дека би било рано нашиот фудбалер да настапува во најквалитетната лига на Франција.

Трансферот на Стојановски во Ним, кој беше најдобар стрелец во ПМФЛ во изминатата сезона, вкупно изнесува 1,5 милиони евра.

Досегашниот негов клуб Ренова ќе добие 300 илјади евра како отштета за заминувањето на офанзивниот фудбалер.

Ним својата нова сезона во шампионатот ќе ја стартува на гостувањето кај бранителот на титулата, ПСЖ.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close