Невозможно е да се живее во Лисиче, во Општина Аеродром, во Скопје. Ова не е магла, ова не е само загаден воздух, ова е гасна комора! Мерните станици не работат, работи само една, погледнете ги вредностите, рече денеска Наум Стоилковски, портпаролот на ВМРО-ДПМНЕ, на итната прес-конфренција.

Во моментов вредноста на ПМ честичките изнесува 212, 112 над 100-ката која што се мери на ПМ10 честички, на единствената мерна станица која што работи од 6-те во Општина Аеродром.

-Ветуваа алпски чист воздух, добивме смртоносно загаден воздух. Црвениот аларм треба да се вклучи. Ова е геноцид врз населението во Скопје. Навечер вредностите на загаденост во Аеродром достигнуваат до 1.000 мерни единици. Шилегов, Заев ова е реалноста, не е измислица! Зад мене се кулите „Џевахир” 4-те кои што се гледаат од секаде во Скопје, и би требало да се гледаат од секаде во Скопје, но гледаме дека од оддалеченост од 50-тина метри ние не ги гледаме- рече Стоилковски.

Не е ништо поразлично, рече портпатолот на ВМРО-ДПМНЕ Стоилковски, ниту во соседните општини Гази Баба, Кисела Вода или пак Центар, никаде во Скопје нема услови за живеење.

-Аеродром е местото каде што Заев, Шилегов и Златко Марин викаа „Аеродром Ајро – Ајро, воздух нема” а веќе три години се на власт и чекаме било какво подобрување на условите за дишење, но попусто!  Бараме, Владата во координација со Град Скопје да прогласат вонредна состојба, да се преземат вонредни мерки во училиштата, институциите и градилиштата- рече Наум Стоилковски, портпаролот на ВМРО-ДПМНЕ.

Се поинаку од итна интервенција е намерна негрижа, вели Стоилковски, намерно изложување на опасност на жителите на Скопје и намерно загрозување на здравјето и на иднината на Република Македонија.